မြင့်မြတ်လိုသရုပ်ဆောင်ဖို့ ယုံကြည်ချက်ရှိတယ်ဆိုတဲ့ ခြိမ့်ကေကို

ဦးသိန်းတန် ငှက်ပျောသီးကျွေးတဲ့ ကိစ္စကနေစပြီးတော့ နာမည်ကြီးလာတဲ့ ရိုးသားတဲ့လူငယ်တယောက်ဖြစ်တဲ့ ခြိမ့်ကေကိုကတော့ အမြဲတမ်း ကိုယ့်ကိုကိုယ်ယုံကြည်မှု ရှိပြီး ကြိုးစားရင် ဘာမဆိုဖြစ်နိုင်တယ်လို့ ယုံကြည်လက်ခံထားတဲ့ သူတယောက်လည်း ဖြစ်ပါတယ်။ လက်ရှိမှာလည်း သူ့အနေနဲ့ ပွဲတော်တော်များများကို တတ်နေရပြီး ဗီဒီယိုလေးတွေလေး ရိုက်နေရပြီ ဖြစ်ပါတယ်။ မကြာသေးခင်ကမှ ရုံတင်ထားတဲ့ ဟောက်စား ရုပ်ရှင်ဇာတ်ကား မိတ်ဆက်ပွဲမှာလည်းသူ့အနေနဲ့တက်ရောက်ခဲ့ပြီး မြင့်မြတ်လိုမျိုး သရုပ်ဆောင်တယောက်ဖြစ်ဖို့ ယုံကြည်ချက်ရှိပါတယ်လို့ ပြောကြားသွား ခဲ့ပါတယ်။

ခြိမ့်ကေကိုကတော့ အင်တာဗျူးတွင် ဟောက်စားဇာတ်ကားကြည့်ပြီးပြီလားဆိုတဲ့အပေါ် “ကျွန်တေ်ာကြည့်ပြီးပါပြီ။ တော်တော်ကို ရီရပါတယ်။ အခန်းတိုင်းလိုလိုကိုလည်း သဘောကျပါတယ်”

ဟောက်စားဇာတ်ကားထဲမှာ ပါဝင်ခွင့်ရမယ်ဆိုရင် ဘယ်လိုနေရာကနေ ပါဝင်မလဲဆိုတဲ့ မေးခွန်းကိုတော့ “ရီရတဲ့အခန်းလေးတွေ ဟာသပုံစံလေးတွေပေါ့။ ပရိသတ်တွေ ရီမောနိုင်အောင် လုပ်ပေးနိုင်တဲ့ အခန်းလေးတွေပေါ့”

မြင့်မြတ်နေရာမှာဆိုရင် အကိုဆိုသရုပ်ဆောင်နိုင်မယ်ထင်လားဆိုတဲ့ မေးခွန်းကိုတော့ “ကြိုးစားပြီးတော့ အကောင်းဆုံးဖြစ်အောင်တော့ သရုပ်ဆောင်ရမှာပဲ။ လုပ်နိုင်တယ်ဆိုတာထက် ကိုယ်ကြိုးစားရင်တော့ ကြိုးစားသလို ဖြစ်သွားမှာပေါ့။ ကိုယ့်ကိုကိုယ် ယုံကြည်မှု ရှိပါတယ်”

ဟောက်စားဆိုတဲ့ စကားလုံးနဲ့ ပတ်သက်ပြီး ဘယ်လိုအမှတ်တရတွေ ရှိလဲဆိုတဲ့ မေးခွန်းအပေါ်မှာတော့ “ဟောက်စားဆိုတဲ့ စကားလုံးနဲ့ ပတ်သက်ပြီး ပြောရမယ်ဆိုရင်တော့ ငယ်ငယ်လေးတုန်းကတည်းက ဟောက်စားလုပ်တဲ့သူတွေ အများကြီးရှိပါတယ်။ သူငယ်ချင်း အချင်းချင်းတောင်မှ မသိရင် မသိသလို ဟောက်စားလုပ်တာတွေ ရှိပါတယ်။ ခံခဲ့ရတာတွေ ကိုယ်ပဲ ခံခဲ့ရတာပါ။ ဂျင်းထည့်ခံခဲ့ရတာပေါ့”

ဟောက်စားဇာတ်ကားနဲ့ ပတ်သက်ပြီး “ဒီဇာတ်ကားလေးကို လာကြည့်ကြပါ။ ကိုမြင့်မြတ်တို့လည်း အကောင်းဆုံး သရုပ်ဆောင်ထားပါတယ်။ ကျွန်တော်လည်း အခန်းတိုင်းလိုလိုကို ကြိုက်ပါတယ်။ ပရိသတ်ကြီးလည်း ဒီကာေးလးကို အားပေးကြပါဦးလို့ ပြောချင်ပါတယ်။